Canto contas cando contas!

CANTO CONTAS
Este ano puxemos en marcha unha nova iniciativa de fomento da lectura que chamamos Canto contas. No primeiro trimestre os equipos de voluntarios da biblioteca escolleron un conto e organizáronse para contárllelo aos máis pequenos. Os equipos decidiron ampliar a proposta inicial e elaboraron decorados, engadiron vestimenta en algúns casos e terminaron por preparar unha pequena obra de teatro que ofrecen venres alternos durante a hora de ler.
Comezamos con “Daniela pirata”, “No bosque” e “A filla do grúfalo”.
Noraboa aos equipos de voluntarios que colaboran con tanto entusiasmo e iniciativa nas propostas que se fan. Aquí tedes algunhas imaxes.